Ֆինանսական խորհրդատուն՝

• Ունի համապատասխան գիտելիք և փորձ,
• Պարբերաբար ուսումնասիրում է շուկայի միտումները,
• Հետևում է օրենսդրական և այլ փոփոխություններին,
• Տեղեկատվություն է տրամադրում լավագույն ներդրումային գործիքների, ռիսկերի և այլ հնարավորությունների վերաբերյալ,
• Խնայում է Ձեր ժամանակը։

ՀՀ-ում պարտատոմսեր գնելու համար պետք է բացել արժեթղթերի պահառության հաշիվ և կնքել բրոքերային պայմանագիր բանկերի կամ ներդրումային ընկերությունների հետ։

Դայմենշն ներդրումային ընկերությունը մատուցում է պահառության, ռեեստրավարման, բրոքերային և արժեթղթերի գործառնություններով պայմանավորված մի շարք ծառայություններ։

Պարտատոմսը պարտքային արժեթուղթ է, որը հավաստում է դրա տիրապետողի իրավունքը` դրանում նախատեսված ժամկետում պարտատոմս թողարկողից ստանալ պարտատոմսի անվանական արժեքը, ինչպես նաև տոկոսագումարները:

Այսինքն, պարտատոմսերում ներդրումներ կատարելով՝ որոշ ժամանակ անց հետ եք ստանում Ձեր ներդրած գումարը հավելյալ եկամտով:

Պարտատոմսն ունիվերսալ ֆինանսական գործիք է, քանի որ այն կարող է թողարկվել ոչ միայն բանկերի, այլև պետության, առևտրային ընկերությունների, միջազգային ու օտարերկրյա կազմակերպությունների կողմից։

Որպես կանոն, պարտքային գործիքների մեջ ներդրումներ կատարելը համեմատաբար ավելի ապահով է, քան սեփական կապիտալում: Դա հիմնականում պայմանավորված է նրանով, որ ընկերության սնանկանալու դեպքում առաջանում է ընկերությունից պահանջ ներկայացնողների շարք, որից առաջին հերթին բավարարվում են պարտատերերի պահանջները։ Բացի այդ, պարտատոմսերն ապահովում են ֆիքսված եկամուտ՝ արժեկտրոնի տեսքով։

Ընկերություններն իրենց գործունեությունը ֆինանսավորելու համար թողարկում են բաժնետոմսեր և/կամ պարտատոմսեր։

Բաժնետոմսը արժեթուղթ է, որը հավաստում է դրա տիրոջ (բաժնետիրոջ) բաժնետիրական ընկերության շահույթից շահութաբաժնի ձևով մաս ստանալու, բաժնետիրական ընկերության գործերի կառավարմանը մասնակցելու և նրա լուծարումից հետո մնացած գույքից մաս ստանալու իրավունքը։

Ներդրողները, գնելով բաժնետոմս, ակնկալում են 2 տեսակի եկամուտ՝

• Շահաբաժին (դիվիդենդ)
• Բաժնետոմսի գնի աճ

Բաժնետոմսերի տիրապետումն ունի հետևյալ առավելությունները՝

• Ներդրողը դառնում է ընկերության սեփականատեր,
• Սովորաբար ենթադրում է շահաբաժինների տեսքով եկամուտ,
• Տրամադրում է ներդրումները դիվերսիֆիկացնելու հնարավորություն։

Ֆինանսական խորհրդատուն օգնում է ֆիզիկական և իրավաբանական անձանց արդյունավետ կերպով կառավարել դրամական միջոցները, ապահովել կայուն եկամտի մակարդակ, ինչպես նաև բարձրացնել այն։

Գնահատելով Ձեր ֆինանսական վիճակը, ռիսկի նկատմամբ հանդուրժողականությունը և ֆինանսական նպատակները՝ ֆինանսական խորհրդատուն կօգնի մշակել ռազմավարություններ և կայացնել օպտիմալ որոշումներ։

Ֆինանսական խորհրդատուները կարող են՝

• Սահմանել անհատական ֆինանսական պլան,
• Մշակել օպտիմալ ներդրումային ռազմավարություններ,
• Կառավարել պորտֆել/ակտիվներ,
• Պլանավորել բյուջեն, օպտիմալացնել ծախսերը,
• Գնահատել ռիսկերը,
• Օգնել հարկերի օպտիմալացման հարցում,
• Աջակցել շահավետ ֆինանսավորում ստանալու հարցում,
• Օգնել լավագույն ներդրումային գործիքների ընտրության հարցում,
• Ծանոթացնել արժեթղթերի թողարկման և ձեռքբերման ընթացակարգերին։