Դայմենշնն առաջարկում է արդյունավետ լուծումներ ձեր բիզնես ռազմավարությանը համապատասխան՝ կապված միաձուլումների և ձեռքբերումների, մի մասի տնօրինման կամ վերակազմավորման, բիզնեսների սեփականաշնորհման և գլոբալացման հետ:

Մենք խորհուրդ ենք տալիս ռազմավարական գործարքների, ինչպես նաև վաճառքի ֆինանսական և ռազմավարական այլընտրանքների վերաբերյալ, ինչպիսիք են վերակապիտալացումը, սպին-օֆֆը, բաժանումը և այլն:

Միաձուլումները և ձեռքբերումները կարող են մեծ սիներգիա բերել ձեռնարկությանը՝ ապահովելով մեծ հնարավորություններ և մրցակցային առավելություններ: M&A գործարքները պահանջում են բարդ գործընթացներ, ներառյալ գնահատում, due diligence, բանակցություններ և completion: Մեր մասնագետների կողմից M&A գործարքների խորը ուսումնասիրությունն ապահովում է գործարքների արդյունավետությունը:

Այս գործարքներն իրականացնելու և լավագույն արդյունք ապահովելու համար մեր թիմը՝

• գնահատում է հնարավոր թիրախները, ինչպես նաև ֆինանսական և ռազմավարական այլընտրանքները,
• տրամադրում է ռազմավարական խորհրդատվություն՝ ժամկետների, կառուցվածքի, ֆինանսավորման և գնագոյացման վերաբերյալ,
• իրականացնում է due diligence՝ մանրակրկիտ քանակական գնահատմամբ՝ օգնելու հաճախորդներին լուծել հարկային և իրավական խնդիրները, բացահայտել սիներգիաները և նախապատրաստվել ինտեգրմանը մինչև գործարքի կնքումը,
• աջակցում է հաճախորդներին գործարքների բանակցությունների վարման ընթացքում,
• կարող է հանդես գալ որպես դիլեր-մենեջեր մրցութային առաջարկներում:

Դայմենշնն առաջարկում է հաշվեկշռային լուծումների գործիքակազմ՝ լիովին ինտեգրված ձևով: Ֆինանսական և իրավաբանական թիմերն ունեն տարբեր աճի փուլերում գտնվող, տարբեր կազմակերպչաիրավական վիճակում գտնվող (ՍՊԸ, ՓԲԸ, ԲԲԸ) և տարբեր կապիտալի կառուցվածք ունեցող հաճախորդներին աջակցելու մեծ փորձ:

Մենք մանրամասնորեն գնահատում ենք ակտիվների և պարտավորությունների կառուցվածքները՝ բացահայտելով բացերը և առաջարկելով լուծումներ, ինչպիսիք են իրացվելիության դիրքերի բարելավումը, շրջանառու կապիտալի արդյունավետ կառավարումը, հարկերի օպտիմալացումը, պարտքի վերաբերյալ խորհրդատվությունը, տոկոսների և արժութային ռիսկերի կառավարումը և այլ հիմնական ոլորտներն ու բիզնես միավորները: Հիմնվելով դրանց վերլուծությունների և եզրակացությունների վրա՝ Դայմենշնն առաջարկում է պարտքի և/կամ սեփական կապիտալի ֆինանսավորման այլընտրանքային մեթոդներ, ռիսկերի կառավարման պլանավորում և իրականացում, ներդրումային հնարավորություններ և կապիտալի վերակառուցման ռազմավարություն: Այս լուծումները նպատակ ունեն օպտիմալացնել կապիտալի կառուցվածքը և ապահովել ընկերության համար կապիտալի միջին կշռված արժեքը (WACC): Որպես լիցենզավորված ներդրումային ընկերություն՝ Դայմենշնը ներդրումային առաջարկություններ է անում կապիտալի շուկաներում՝ փորձելով ապահովել նվազագույն ռիսկերով առավելագույն եկամուտ:

Մասնավոր տեղաբաշխումները հրապարակային առաջարկների այլընտրանքային տարբերակ են այն ընկերությունների համար, որոնք կապիտալ են ներգրավում ընդլայնման, վերաֆինանսավորման կամ այլ նպատակների համար: Գործընկերների և ներդրողների լայն ցանցի միջոցով Դայմենշնը վաճառում է բաժնետոմսեր, պարտատոմսեր կամ այլ արժեթղթեր նախապես ընտրված ներդրողներին և հաստատություններին: Այս ներդրողները սովորաբար, ֆինանսական հաստատություններ են, կենսաթոշակային ֆոնդեր, ապահովագրական ընկերություններ, մեծահարուստ անհատներ կամ հիմնադրամներ: Նախքան տեղաբաշխումը, մենք նաև հանդես ենք գալիս որպես խորհրդատու և արդյունավետ կերպով կազմակերպում ենք ընկերության ռազմավարական և ֆինանսական նպատակների իրականացումը:

Մեր ֆինանսական վերլուծաբանները ստեղծում են ֆինանսական մոդելներ՝ օգնելու կապիտալ բյուջետավորմանը կամ ներդրումային որոշումների կայացմանը: Մեր թիմը մեծ փորձ ունի զեղչված դրամական հոսքերի (DCF), համեմատական և բազմարկիչների վրա հիմնված գնահատման, M&A, համախմբման, վերակառուցման, բյուջետավորման և այլ մոդելների մշակման գործում: Մոդելների պատրաստումը ներառված է տեխնիկատնտեսական հիմնավորումների և ֆինանսական կանխատեսումների հետ՝ առավել գործնական և համապատասխան ֆինանսական խորհրդատվություն տալու համար, որը կիրառելի է դիտարկվող սցենարի համար:

Դայմենշնի ֆինանսական վերլուծաբանների թիմն անկախ հետազոտություն է անցկացնում և համապատասխան առաջարկություններ է անում՝ մեր հաճախորդներին ուղղորդելու արդյունավետ ֆինանսական որոշումներ կայացնելու համար: Հետազոտական ծառայությունները ներառում են վաճառքի/գնման կողմի հաշվետվություններ, կապիտալ շուկաների վերլուծություններ, հոդվածներ, մասնագիտացված հետազոտություններ: Մենք մասնագիտացած ենք տեղական և միջազգային սեփական կապիտալի և կայուն եկամտային գործիքների վերլուծության մեջ, որոնք ուղարկվում են անհատ կամ ինստիտուցիոնալ ներդրողներին:

Հետազոտական ծառայություններ մատուցելիս մեր նպատակն է լինել ամենահուսալի ֆինանսական գործընկերը և խթանել հաճախորդի բիզնեսի աճը: